Bahan PA
FAMOBÖRÖ
Habakuki ere lowalangi so halὃwὃ ba mbanua Gizeraeli fatua lὃ tetibo ira ba Babeli, eluaha tὃi Habakuki ba li Heberai’o ḥābaq (italagui=memeluk). Molo’ὃ Marthin Luther eluaha tὃi Habakuki andre yai’a da’ö; sanalagui mbanuania ba wangaro’ὃ tὃdὃra ba ba wondrara dὃdὃra.
Habakuki no enoni Zo'aya sama’ele'ő,
sabutödö ba wa'awuwu ndraono Gizeareli ba wamati khö Zo'aya. Habakuki mangandrö ia khö Lowalangi ena'ö
ifonndrondrongo, itolo. ifolala dödö ba ngawalö wamakao salua ba ndraono
Gizerali. Mangarö ba mangandrö Habakuki khö Zoaya ena'ö banua ndraono Gizareali
falukha mangawuli wa'ahakhö dödő Zo'aya ba lö ifalua wõnu-Nia khöra.
Imane amaedola ba nono niha: Ama
wa’atuatua fanofu.
Tebe’e wa aboto ba dὃdὃda wa
Habakuki ere somasi manofu khὃ Lowalangi. Bὃrὃ me i’ila alua wa lὃ atulὃ, famakao, niha samu’i itugu abὃlὃ ba
mokhὃ (1:2-4,9-11). Andrὃ wa i’angarὃfili Lowalangi; “Hana wa lὃ hedehed’U
Soaya ?.” Fanema li soroi Lowalangi; wa “ikaoni” soi Babeli (Kasdim) tobali
nudu ba banua Gizeraeli ba wanguhuku ya’ira.
Manofu zui Habakuki khὃ Lowalangi hana wa i’oguna’ὃ soi bὃ’ὃ ba
wanguhuku banua Gizeraeli andrὃ ?. Ohitὃ
dὃdὃ Lowalangi ba da’e ena’ὃ mangesa dὃdὃra.
Ba ba ginotὃ nitehe Lowalangi ba
ifalua gὃi dania wanguhuku soi Babeli andrὃ bὃrὃ me abὃlὃbὃlὃ sibai wolaura zafὃkhὃ
ba ndraono Gizraeli.
FANGOSISI'Ö
1. Mői Khő Lowalangi na so Norodődő (ayati 1)
Faudu ba duho daromali andre sino
tefa'ano ya'ia " satulő tödő ba wamatinia auri ia". Habakuki ifaduhu'
ö wa tenga faya wama'ele'ö andrö itörö dania alua. Andrö wa Habakuki ba
wombaloi mangandrö ia khö Lowalangi lõ ihalö fa'abölönia, l'odaligö manö
wa'ahakhö dödö Lowalangi. Ta'ila da'e me imane ba mbörö huho andre damõido ba
naha wanaro khögu eluahania ibaloi sifao wanõtõna, famati we'a'onia, fangadunia
ba fa'aro dödönia föna Zo'aya tenga sifao fa'abao dödő ma fa'abe'e dödő.
Ba faosatö da’a moguna tobali
tulada khöda nilau Habakuki wa ihalö khönia wa’ahono dödö ba wombaloi fatolosa
Lowalangi ba gangadröwa ni sao’önia khö Lowalangi andrö wa möi ia ba nahia
wanaro andrö khönia.
Na so angandröwa dödöda khö
Lowalangi da tahalö göi khöda wa’ahono dödö wombaloi fatolosa Lowalangi,
hasambalö itema li wangadröda Lowalangi, ba gamaudu dae moguna göi khöda
wangesa dödö ba fanaha dödö ba wanema’ö lala wanolo siotarai Lowalangi.
2. Satulõ Tõdõ, ba ba Wamatinia
Auri ia. (ayati 3-4)
Habakuki, ba wa'aro dödönia itema
linia Lowalangi, ibe'e goroisa khönia Lowalangi ena'ō isura gangilata andrö ba
gara wanura ena'ő tola la'ila ba la baso niha sato wa so ginötö sino tehonogői
wa'alua wa'atulö andrö.
Ba wamatinia auri ia eluahania
niha samati löfaröi ia ba wamati, ba wombaloi, ba ba wanötötöna lö mangiwa
dödönia ba ngawalő zalua fatua lö ibe'e ni'andrönia Lowalangi, lö isawa danö
bö'ö. Habakuki edõna sibai ia enaö iranono Gizerali sindruhundruhu lö faröi ba
wamati me no banua Lowalangi ira, soi sino ifahowu'ö Lowalangi, tobali göi ira
dela howuhowu ba zifasui ya'ira ba wangoroma'ö bua wamati. Ba wolo'ö ba ba ba
wanötöna khö Zo'aya.
Eluaha angilata Habakuki si
otarai Lowalangi: ba ayati 3 hasambalö ifalua Taromali-Nia Lowalangi ba ginötö-Nia,
lö silö itörö, he wa’ae molo’ö niha gulidanö no ahou, andrö wa moguna wanaha tödö
ba niha samati. Ba ayati 4 so faehuta lua-lua wa’auri niha satulö tödö ba ba niha
si lö adölö dödönia khö Lowalangi.
3. Silö farői dao Zifalukha
wangorifi (ayati 5)
Tesura ba ayati 5 andre; no famowöhö nagu andrö ba Silö boto niha si fayawa eluahani niha simabumabu
börö nagu ba niha sifawa tödö no sa’ae taya wa’asökhi fangerangera lö sa’ae khöra
fangelama ba fangenanö andrö wa dania aekhu ba wa’atekiko ba wa’auri hulö si so
ba narako dae lua-lua wa’auri niha si lö atulö dödö hulö simane banua Babeli
andrő silo sökhi, silö fangatufi Lowalangi ba wa'aurira. Samakao, ba samakiko
awöra ira.
Andrö da ta aro’ö dödöda simane Habakuki
sama'ele'ö sino aro tödő wombaloi bua
wamatinia kho Zo'aya, wa idönadona alua
gõi ba niha sato wa'aro wamati daö me ha bada'ö tola auri ita.
FAMATÖFA
1.
Da tabli’ö tulada khöda
Habakuki me lö ilau zahono ba ngawalō zalua ba mbanuania i'andrö wa'ahakhő dödö
Lowalangi ba wangadrö ba ibaloi sifao fa'aro dōdō wa faduhu dödönia so fatolosa
ba fangefa soroi Lowangi ba ginotö-Nia
2.
Böi ta sawa khö Lowalangi bö’ö
na so noro dödöda böi faröi ia ba wamati, he na oya zitobali fondrönisi wamati
ba lö mangiwa dödö, böi tobali ita sanguhuku ba nawönia.
3.
Me niha satulö tödö ba wamatinia
auri ia, andrö da tabali’ö niha satulö tödö ita föna Lowalangida. Yaduhu.
