Fangosisi’õ Tarima Li: Takula Fa’atulὃ dὃdὃ Gurakha Zamati si lὃ Farὃi. 2 Timotius 4:6-8

 Fangosisi’õ Daroma Li

 

Famobὃrὃ

Sura 2 Timoteo andre nisura Faulo khὃ Dimoteo awὃ ba lala halὃwὃ wanuriagὃ.  Sura andre isura me so ia ba gurunga, “aboto” ba dὃdὃ Waulo gὃi wa no ahatὃ inὃtὃ wa’amatenia, andrὃ wa ὃsi zura andre hulὃ menemene ba draono omasiὃ nirὃi amania.

I’andrὃ Waulo khὃ Dimoteo enaὃ  lὃ farὃi ia ba lala halὃwὃ wanuriagὃ taromali Lowalangi, ba enaὃ aro ia ba wa’atulὃ dὃdὃ, abὃlὃ ba wa’abu dὃdὃ ba lὃ farὃi ba lala halὃwo wa’a’enoni hewa’ae oya noro dὃdὃ sifalukha ero ma’ὃkhὃ (4:1-5).. andrὃ wa sura 2 Timoteo andre ὃsi nia  hewisa ba wamὃrὃgὃ lala halὃwὃ sisὃkhi ba he gὃi ba wangasiwai yaia ba zisὃkhi.

Imane Faulo: “Ba ia da’e sa’ae, ba no mufὃfὃ’ὃ khὃgu dakula ba wa’atulὃ dὃdὃ andrὃ, nibe’e Zo’aya andrv. (ayati 8a) da’a sitobali eluaha daromali andre khὃda fefu wa so luo khὃdra enoni-Nia si lὃ farὃi ba ba niha samati khὃnia.

1. Ibe’e tobali sumange khὃ Lowalangi fa’auri-nia Faulo (ayati 6)

6. Ya’odo sa, ba nibe’e sumange sa’ae, ba lõ ara tõ, ba irugi bawa wangefagu andrõ.

Ba ayati 6 andre itutunὃ Waulo hadia ia zalua ba wa’aurinia ba ginὃtὃ fὃna; aboto ba dὃdὃnia wa no ahatὃ inὃtὃ wa’amatenia.  Ba dὃdὃ Waulo fa’amatenia dania no amaedola  fasὃmbatania ma sumange khὃ Lowalangi sino mogaoni ya’ia, wa tola i’asiwai fahulὃsa wa’auri andre, fa’amatenia tobali tandra wano irugi amozua halὃwὃnia, ba no irorogὃ gὃi wamatinia khὃ Lowalangi.

Lala wa’auri ba lala halὃwὃ sino itὃrὃ Faulo no wondrege wa’amarase ba no itὃrὃ fa’afὃkhὃ, hegὃi noro dὃdὃ ba lala halὃwὃ ba wanuriagὃ taromali Lowalangi.  Hewa’ae simanὃ lὃ irὃi halὃwὃ sino ifaduhusi tὃdὃ khὃnia Lowalangi.

Sindruhunia fa’alὃ farὃi andrὃ tenga ha oroma ia na falukha fa’omusὃ dὃdὃ.  Fa’alὃ farὃi sindruhu oroma ba ginotὃ so abula dὃdὃ lὃ farὃi ita khὃ Lowlaangi. 

2. Niha Si lὃ Faraὃi lὃ ibahὃli Famati (ayati 7)

7 Fasõndrata si sõkhi andrõ, ba no ulau, ba tõrõwa andrõ, ba no u’o’ozui, lõ nibõhõligu famati andrõ.

I’ogunaὃ fahulὃsa ba wagohisa andrὃ Waulo tobali dumaduma fasὃndrata sisὃkhi  niha samati, ba da’e imane Waulo wa sabὃlὃ moguna tenga ha famὃrὃgὃ fasὃndrata ma fahulὃsa sisὃkhi, hiza’i wango’ozui fasὃndrata sisὃkhi andrὃ nifaigi ma nibaloi Lowalangi.

Ba wa’auri andre tekaoni ita tenga ha ba wamὃrὃgὃ halὃwaὃ sisὃkhi ba wa’a’enoni manὃ. Wango’ozui ya’ia gὃi sabὃlὃ moguna. andrὃ bὃrὃ da’ὃ bὃi tarὃi lala halὃeda ba dalu lala, ta’ozui i’rugi te’asiwai ba zi sὃkhi. Itaria so niha mohi’a dὃdὃnia ba wamὃrὃgὃ halὃwὃnia ba gafuriata irὃi manὃ bὃrὃ me falukha ia fandaraigὃ, ma fa’afatὃ dὃdὃ ba dalu lala.  

So amaedola ba Ono Niha, imane: Hulὃ muhede mburu’u kökö,  Ha ba mbörö humöngo-höngö, Ba gamozua döhö manö

Lowalangi lὃ ifaigi ita ha ba wobὃrὃgὃ lala halὃwὃ, I’faigi ita ba wango’ozui yaia.

3. Dakula Luo Wa’atulὃ dὃdὃ (ayati 8)

8 Ba iada’e sa’ae, ba no mufõfõ’õ khõgu dakula ba wa’atulõ dõdõ andrõ, nibe’e Zo’aya andrõ, sangatulõ’õ fanguhuku, khõgu dania, na luo safuria andrõ, ba tenga ha khõgu, idozigõ gõi zangomasi’õ fa’ato’elenia andrõ.

Faulo  lὃ manufa dὃdὃnia  ba wamaodragὃ inὃtὃ fa’amatenia.  Faduhu dὃdὃnia wa nano i’ozui fandrὃta sisὃkhi andro no I’fὃfὃ’ὃ khὃnia Lowalangi luo dakula wa’atulὃ dὃdὃ andrὃ khὃnia.   

Luo dakula wa’atulὃ dὃdὃ andrὃ khὃnia ya’ia fa’auri silὃ aetu sino ihὃnagὃ Lowalangi ba niha samati sanὃtὃna fangawuli Yesu ba luo safuria. Dakula fa’atulὃ dὃdὃ andrὃ tenga ha khὃ Waul

Fa’alὃ farὃi khὃ Lowalangi lὃ zayazaya gὃlὃ, niha ba gulidanὃ so manὃ silὃ omasi ba niha samati me lὃ faoὃi ita khὃ Lowalangi ba hiza’i Lowalangi sa same’e luo dakula fa’atulὃ dὃdὃ ma fa’auri silὃ aetu andrὃ no luo ba niha silὃ farὃi.

Amarahuta

Lala wa’aurida  ba lala halὃwὃ no wondrege wa’amarase ba fa’afὃkhὃ, so  gὃi noro dὃdὃ ba lala halὃwὃ ba wanuriagὃ taromali Lowalangi.  Hewa’ae simanὃ bὃi farὃi ita ba halὃwὃ sino ifaduhusi tὃdὃ khὃda Lowalangi.

Fa’alὃ farὃi andrὃ tenga ha oroma ia na falukha fa’omusὃ dὃdὃ.  Fa’alὃ farὃi sindruhu oroma ba ginotὃ so abula dὃdὃ lὃ farὃi ita khὃ Lowlaangi.  Ba wa’auri andre tekaoni ita tenga ha ba wamὃrὃgὃ halὃwaὃ sisὃkhi. Wango’ozui ya’ia gὃi sabὃlὃ moguna.

Lowalangi lὃ ifaigi ita ha ba wobὃrὃgὃ lala halὃwὃ, I’faigi ita ba wango’ozui yaia. Ya’ia sa same’e luo dakula fa’atulὃ dὃdὃ ma fa’auri silὃ aetu andrὃ ba niha silὃ farὃi khὃ-Nia. Yahudu...!

 

Fanofu:

Hadia luo dakula wa’atulὃ dὃdὃ andrὃ ?

Fanema:

No I’fõfõ’õ luo dakula  wa’atulõ dõdõ andrõ, I’be’e Zo’aya sangatulõ ba ginotõ fanguhuku, na luo safuria andrõ, idozigõ ba zanõtõna fa’ato’ele andrõ ma ba wangawuli-Nia dania .(ayati 8)