MI’ONDRASI LOWALANGI BA I’ONDRASI AMI Yakobo 4:6–10

 Bahan PA Migu Sidua Mei 2026

 FAMOBÖRÖ

Sura Yakobo nifaema ba banua niha keriso sifelendrua motua ba nahia wekoli (Yakobo 1:1). Isura sura andre Yakobo me dὃfi 45-49 SM. Ba ginὃtὃ da’ oya ngawalo wananrdaigὃ  ba famakao sifalukha banua niha keriso mendua manὃ mebagotalua zilὃ mamati khὃ yesu mowanua ira.  Fanandraigὃ ba Famakao andrὃ, simane:

1.      Me ba nahia wekoli so ira  bὃrὃ me tefazawili iraba  ginὃtὃ famakao (Yak. 1:1)

2.      Fandraigὃ, bὃrὃ me samati khὃ Yesu ira so si lὃ manema’ὃ yaira, ena’ὃ  larὃ i wamatira khὃ  Keriso (Yak. 1:2)

3.      Fa’atosasa ba soguna he gὃi ba wariawὃsa (ekonomi dan sosial), Yak. 1:9-11

Andrὃ ifaohe sura andre Yakobo, ena’ὃ si ba faza  4 andre i’o’ou banua niha keriso ena’ὃ: Laondasi Lowalangi ba latimbagὃ gamuata fangisὃ (hawa nafsu, 4:1), me fangisὃ andrὃ i’asogὃ: wanguaguasa ba falὃatulὃ (4:1), fangee ba faafokhὃ dὃdὃ (4:2), fangandrὃ silo atulὃ (4:3), fangerogὃ Lowalangi (4:5), ba fayawasa (4:6).

FANGOSISIÖ

1. Itimba Lowalangi Zifayawa (ayati 6-7)

6 ba ebua sa atõ na wa’ebua dõdõ andrõ, ni’a’asogõnia; andrõ imane: ”Itimba Lowalangi zi fayawa andrõ, ba i’ebua’õ dõdõnia ba zangide’ide’õ ya’ira”.  

Imane Taromali andre ba ayati 6-7 itimba zifayawa (congkak) Lowalangi, eluahania: fangosebua, fangosipade, loyawania iwao todonia. Fatuwu ba horo Lowalangi gamuata dae meno silo sokhi (4:16b).  Fayawasa andrὃ na ta baso ba sura Amaedola 29:23: “fayawasa andro ba ihondrὃgὃ tou niha; ba silo fayawasa ba isondra zumange”.  Eluahania; na so niha i hondrὃgὃ awὃnia nih ba andro wa itimba Lowalangi.

Ba ba sitambai daὃ ba i’ebua’õ dõdõnia ba zangide’ide’õ ya’ira; Niha sangidengideὃ ya’ia lὃ olifu wa fefu nisondra, he ia okhota, faatuatua, ngawalo zi sokhi zino tafalua no buala Lowalangi ba khoda. Ha buala fa’ahakhὃ dὃdὃnia, ba lὃ siogὃtὃ’ὃ ibee khὃda. Abὃlὃ ebua nasa niokhὃgὃ Lowalangi abὃlὃ oya nasa zino ifalua so’aya khὃda moroi bazi no taokhὃgὃ ba gulidanὃ andre eluahania i’ebua’ὃ dὃdὃnia ba niha si sὃkhi amuata simanὃ.  Bὃrὃ daὃ fefu wa’itimba Lowalangi zifayawa ba ebua dodonia ba zangidengideὃ yaia.

2. Mangondrasi Lowalangi (ayati 7-8)

7 Ba mi’ae barõ mbawa Lowalangi. Mitimba Gafõkha, ba moloi ia, irõi ami. 8 Mi’ondrasi Lowalangi, ba i’ondrasi ami! Mihaogõ danga, ya’ami si so horõ! ba mi’ohauhau’õ dõdõ ya’ami si dua tõdõ!.

Bὃrὃ me oya fanandrὃigὃ ba famakao sifalukha niha samati khὃ Yesu andrὃ wa iwaὃ Yakoba khὃra enaὃ mὃi ira barὃ mbawa Lowalangi enaὃ tola la timba gafὃkha ba ayati 7 imane : …mitimba gafokha moloi ia iroi ami, eluahania talulu waarida nifatoro Lowalangi. Mὃi ita barὃ mbawa Lowalangi, eluahania tafondrondrongo ba tao’ὃ niwaὃ-Nia. Fa’abὃlὃ gafὃkha, tebai talawa na bawaaboloda. Nafao wa’abὃlὃ Lowalangi ba tola talawa. Fa’abὃlὃ Yesu Keriso sino mangalani waabὃlὃ gafὃkha daὃ wangabὃlὃda wolawa afὃkha irege tasὃndra wemὃna.

Ayati 8 b: …mihaogὃ danga yaami siso horὃ,  nataondasi Lowalangi moguna wangheagὃ faauri fὃnaNia, so wamalalini eraera. Fefu woamuata wangisὃ nidunὃdunὃ moroi yawa mege ba ayati 1–6 murὃi daὃ, muerὃgὃ enaὃ alua wamohouni geraera  ba famalalini geraera..

3. Fangide’ngie’ὃ Fὃna Lowalangi (ayati 9-10)

9 Ya’afõkhõ khõmi wamakaomi, ba mi’abusi tõdõ ba mi’ege’ege! Yatobali fa’abu dõdõ wa’ikimi andrõ, ba yatobali fa’aila wa’omuso dõdõmi andrõ!. 10 Mi’ide’ide’õ ami fõna Zo’aya, ba ibali’õ salawa ami.

Eluaha ayati 9 andre; Ya’afõkhõ khõmi wamakaomi, ba mi’abusi tõdõ ba mi’ege’ege! Yatobali fa’abu dõdõ wa’ikimi andrõ, ba yatobali fa’aila wa’omuso dõdõmi andrõ!. enaὃ so fangesa dὃdὃ ba banua niha keriso me itaria i’ogunaὃ fandandraigὃ ba famakao sifalukha banua-Nia ba wangidengide tὃdὃ fὃnania sitobali fangaro famati ba fa lὃ farὃi ira khὃ Lowalangi.

10 Mi’ide’ide’õ ami fõna Zo’aya, ba ibali’õ salawa ami. Ayait 10 andre tobali gohitὃ dὃdὃ Lowalangi wa fangidengideὃ tὃdὃ lala nitὃrὃ wa ibaliὃ salawa banua samati khὃnia, wa’asalawa badae eluahania fa’omuso dὃdὃ ba fa’ohahau dὃdὃ si falukha me no latὃrὃ famakao ba fanandraigὃ ba lὃ farὃi ira khὃ Lowalangi.

ANUNÖWA  

              1. Fangidengideὃ faauri fona Lowalangi sifao fangalulu. Yesu sitedou nisuno ba nifolakhὃmi                        ba  waaurinia, so wangalulu, fangandro saohagὃlὃ.

                   2. Niha samati ibe’e nifatὃrὃ Lowalangi waaurinia. Gofu hadia ia zalua ba waaurinia ba                                i’omasi’ὃ Lowalangi itemaὃ tenga ba zomasi gisoiso dodonia. Ibee badodonia wotu soroi                         lowalangi lὃ fatuwu khὃnia wotu soroi daromali Lowalngi. 

                  3. Si mὃi khὃ Lowalangi ierogo gamuata sogoro Lowalangi, ifalua wamalalini eraera. I’ogorofi                   si lὃ sὃkhi, itimba ba itenawa waabolo gafὃkha samaelungu tὃdὃ ba eraera.

Nifa’anὃ: Pdt. Juliman Harefa