Khotbah Minggu
Famobὃrὃ
Sura Yosua
21:43-45 amatohula sura V Moze. Meno
mate Moze, Lowalangi ituyu Yosua tobali sanohugὃ halὃwὃ Moze ba wolohe ndraono
Gizerae’li ba dano Kana’ana tanὃ ambu’ula. Ba Zura Yosua andre itutunὃ hewisa
halὃwὃ Lowalangi ba wamalua amabu’ula li-Nia khὃ Aberahamὃ, Iza’aki ba Yakobo
ba wame’e tanὃ amabu’ula andrὃ khὃ nga’ὃtὃra.
Ba
ginὃtὃ da’e asese so niha silὃ mamalua amabu’ula linia sino ifabu’u khὃba nawὃnia
niha. Ta taromali Lowalangi andre ibe’e
khὃda wa’aboto ba dὃdὃ wa Lowlangi Yehowa lὃ irai lὃ ifalua fefu sino ifabu’u
ba niha samati khὃnia. Andrὃ bὃrὃ da’ὃ ikaoni ita Yehowa ena’ὃ faduhu dὃdὃda
khὃ-Nia wa fefu sino ifabu’u hasambalὃ Ifalua ba ifalua ba niha samati ba silὃ
farὃi khὃ-Nia.
1. Lowalangi Yehowa Ifalua Amabu’ula Li-Nia
(ayat 43)
Ba ibe’e ba danga Ndraono Gizeraëli danõ ma’asagõrõ Yehowa, si no fahõlu ia
khõ ndra tuara, ba wame’e khõra; ba lahalõ khõra ba mowanua ira ba da’õ.
Tanὃ
Kana’na sino ibe’e Lowalangi ba danga ndraono Gizeraeli ma’asagὃrὃ tenga bὃrὃ
wa’abὃlὃ ndraono Gizeraeli no buala Lowlangi Yehowa khὃra sino fahὃlu Ia
wame’e. Fawu’usa li Lowlangi khὃ
Gaberahamo no ngautu fakhe wa’ara ifabu’u Lowalangi awena latema nga’ὃtὃnia,
eluahania lowalangi Yehowa lὃ olifu Ia bu’u li-Nia ba niha. Itaria tawai olifu Lowalangi ba
wanema’ὃ li wangandrὃda. He itaria ara
itema angandrὃwada Lowalangi ba sindruhunia lὃ olifu Lowalangi bu’u li-Nia,
a’oi itὃrὃ niwaὃ-Nia.
2. Lowalangi Yehowa Ibe’e Wa’ahono dὃdὃ (ayati 44)
Ba tefasui danõra, ba ahono ibe’e Yehowa, itõrõ
nifabu’unia, khõ ndra tuara, fahõlusa. Lõ si lõ te’ala khõra emalira; ibe’e ba
dangara nemalira fefu Yehowa.
Meno larugi danὃ amabu’ula ba ibe’e khὃra Lowalangi wa’ahono dὃdὃ, he na falukha nudu ba wasuwὃta ba ibe’e khὃra wemὃna ba fa’ahonὃ dὃdὃ. Fa’ahono dὃdὃ andrὃ siotarai Lowalangi Yehowa samὃsa tengan morai ba niha gulidanὃ.
Ba
wa’auri andre asese falukha ita “nudu” ya’ia: Fὃkhὃ, noro dὃdὃ, lumὃ wa’amate,
fa’amate niha ba tanὃ bὃ’ὃnia he gὃi wo angeraigὃ soguna khὃda ba ginὃtὃ
fὃna. Lὃ itayaigὃ da’ὃ fefu Lowalangi
hiza’i awὃda ia naso nudu ba lὃ farὃi Ia na so abula dὃdὃda, ibe’e fa’abὃlὃ
khὃda.
3. Fefu Nifabu’u Lowalangi A’oi itὃrὃ (ayat 45)
Sambua lõ aekhu ba danõ taroma li si sõkhi andrõ,
niwa’õ Yehowa ba ma’uwu Gizeraëli; ahori itõrõ.
Omuso
dὃdὃda wombaso ayati 45 andre me imane sambua lὃ aekhu ba danὃ taromali si
sὃkhi dae sitobali lualua li Lowalangi wa lὃ aekhu ba danὃ fefu nifabu’u Nia
khὃda. Eluahania lὃ farὃi Lowalangi ba wa’aurida, lὃ faὃoi Ia khὃda, simane
wa’omasi Nia ba ndraono Gizaraeli simanὃ gὃi wa’omasi Nia khὃda ba ginὃtὃ ia
da’a samati khὃ Nia. Ba khὃ Yesu Kerisa sangorifi yaita ta’ila wa’omasi Nia
sebua ba khὃda, I’efaὃ ita ba huku horὃ ba ibe’e wa’auri silὃ aetu khὃda.
Tanὃ
Kana’na sino ibe’e Lowalangi ba danga ndraono Gezeraeli ma’asagὃrὃ tenga bὃrὃ
wa’abὃlὃ ndraono Gizeraeli ba buala Lowalangi Yehowa sino fahὃlu Ia
wame’e. Ba Meno larugi danὃ
amabu’ula ba ibe’e khὃra Lowalangi wa’ahono dὃdὃ, he na falukha nudu ba
wasuwὃta ba ibe’e khὃra wemὃna ba fa’ahonὃ dὃdὃ. Ba wa’auri andre asese falukha ita “nudu”
ya’ia: Fὃkhὃ, noro dὃdὃ, lumὃ wa’amate, fa’amate niha ba tanὃ bὃ’ὃnia he gὃi wo
angeraigὃ soguna khὃda ba ginὃtὃ fὃna. He wa’ae simanὃ lὃ farὃi Lowalangi ba
wa’aurida, lὃ faὃoi Ia khὃda, simane wa’omasi Nia ba ndraono Gizaraeli simanὃ
gὃi wa’omasi Nia khὃda ba ginὃtὃ ia da’a samati khὃ Nia ba ginὃtὃ ia da’e ba
khὃ Yesu Keriso sangorifi yaita ta’ila wa’omasi Nia sebua ba khὃda, I’efaὃ ita
ba huku horὃ ba ibe’e wa’auri silὃ aetu khὃda.
