Bahan Pendalaman Alkitab (PA)
Famobὃrὃ
Sura 2 Korindro nisura Faulo me dὃfi 55-56 M.
Banua niha keriso ba Gorindro no tobali banua niha keriso sebua ba ginotὃ
da’ὃ. He wa’ae simane da’ὃ no alua
faaboto fangera-ngera ba gotaluara, so samahaὃ sofaya sifabὃ’ὃ moroi ba wamahaὃ
nifahaὃ Waulo. Ira samahaὃ sofaya la
oguna’ὃ fehede Waulo me omasi ia mὃi ba Korindro ba lὃ alua mὃi ia, andrὃ wa
lamane wa fehede Faulo tebai la faduhusi tὃdὃ.
Ba 2 Korindro 1:15-24, Ibe’e Faulo wa’aboto ba
dὃdὃ hana wa lὃ alua mὃi ia ba Korindro, tenga bὃrὃ me lὃ ifalua hadia sino
i’fabu’u. Lὃ alua mὃi ia ba Korindro me da’ὃ sabὃlὃ sὃkhi. Imane Faulo khὃra; Ha Lowalangi silὃ irai
farὃi ba nifabu’u Nia, hadia sino ifabu’u hasambalὃ ifalua. Fefu sino ifabu’u
Lowalangi ifalua ba khὃ Yesu Keriso.
Andrὃ wa imane zui Faulo tenga ba niha mamati ita, ha khὃ Yesus Keriso
manὃ.
1. Tõdõ
fa’enoni (ayat 15–17)
15 III. Ba me no so khõgu wanõtõna da’õ, ba mõido
mena’õ khõmi fõna, ena’õ samuza tõ falukha ami wa’ebua dõdõ. 16 Ba utõrõ ena’õ
ami, we’amõi ba Makedonia, ba na u’otarai Makedonia, ba mõido zui khõmi, ba
ena’õ mifasao ndra’odo ba Yudaia. 17 Ba hadia, me edõnado da’õ hadia, no
nifolau zambõ era’era nilaugu? Ma na uhonogõi hadia ia, hadia tõdõ niha dali
wangohonogõigu ya’ia, ena’õ itaria ”ya’ia” ba itaria ”tenga”, ba khõgu.
Ba sura 2 Korintus 1:15-17 abula dὃdὃ Faulo me lὃ faduhu dὃdὃ banua niha
keriso khὃnia me lὃ alua nasa mὃi ia ba khὃra, hulὃ lὃ ifalua sino ifabu’u
weamὃi ba banua Korindro. Sindruhunia
edὃna dua kali mὃi Faulo ba Korindro
yaia: 1. Mὃi ia ba Korindro fatua lὃ mὃi ia ba Makedonia, 2. Mὃi ia ba Korindro
na no mangawuli moroi ba Makedonia (ayati 15-16). Moroi ba Makedonia numalὃ ia ba Yudaia.
Faulo, i’akui wa no i’fawua we’amὃinia ba Korindro tenga enaὃ bὃi lafaduhusi tὃdὃ ia sa’ae. Sindruhunia ba wame’e inὃtὃ fangesa tὃdὃ khὃra meno alua fabalisa fangerangera (perpecahan) ba ena’ὃ bὃi mofὃnu ia khὃra. Ba angetula Faulo andre aboto ba dõdõda wa so khõnia tõdõ fa’enoni (hati seorang gembala). Tenga: ena’õ itaria ”ya’ia” ba itaria ”tenga”.
2. Gamabu’ula li Lowalangi ba no “Ya’ia ba khõ Yesus Keriso”. (ayati
18-20)
18 Ba lõ farõi Lowalangi, fa bõi faoma lima khõmi, he
si no ”ya’ia” ba he si ”tenga”. 19 Ono Lowalangi andrõ sa, Yesu Keriso,
ni’ombakha’õma ba khõmi, ya’odo ba Siliwano ba Timoteo, ba no tenga faoma, he
si no ”ya’ia” ba he si ”tenga”, no ba khõnia so wa ”ya’ia”. 20 Ha wa’oya sa
gamabu’ula li Lowalangi, ba no ba khõnia so wa ”ya’ia”, andrõ wa moroi ba
khõnia gõi wamaduhu’õ andrõ, sumange Lowalangi khõma.
Dae sitobali ὃsi taromali andre ba niwaὃ Faulo; Ha wa’oya sa gamabu’ula li Lowalangi, ba no ba khõnia so wa ”ya’ia”, andrõ wa moroi ba khõnia gõi wamaduhu’õ andrõ, sumange Lowalangi khõma. Eluahani fefu gamabu’ula li Lowalangi “Ya’ia” ba khὃ Keriso Yesus me ibe’e fangorifi ba fa’auri silὃ aetu, fangefa horὃ, ba fa’atulὃ ba ba fa’omusὃ dὃdὃ. Da tamane wangumaὃ: Ya’duhu.
Itaria awὃda niha ba gulidanὃ lὃ itὃrὃ fefu sino
ifabu’u li khὃda andrὃ bὃi manὃtὃna ita ba niha, ha khὃ Yesu Keriso manὃ mamati
ba manὃtὃna ita.
3. We’ewe’e dὃdὃda Eheha (ayati 21-24
21 Ba sangabe’e ya’aga ba
ya’ami, ba khõ Keriso, ba ya’ia Lowalangi, si no mamayoini ya’ita gõi; 22 si no
manga’aro’õ gõi ya’ita, si no mame’e we’ewe’e dõdõ andrõ, Eheha andrõ, ba
dõdõda. 23 Ba u’angarõfi Lowalangi, ba nosogu andre, wa no bõrõ wa alimagõ ami
khõgu, wa lõ si mõido sa’ae khõmi ba Gorindro. 24 Tenga sa lawa’õ amatõrõwama
wamatimi andrõ, ba no sanolo ndra’aga ena’õ falukha ami wa’omuso dõdõ; noa sa
abe’e ami wamati.
Faulo ifahaὃ ita wa sangabe’e ya’ita, ba khõ Keriso, ba ya’ia
Lowalangi, si no mamayoini ya’ita si no manga’aro’õ gõi ya’ita, si no mame’e
we’ewe’e dõdõ, Eheha andrõ, ba dõdõda. we’ewe’e dõdõ (meterai), Eheha
andrõ, tandra wa yaita samati no okhõta Lowalangi. Eheha andrõ same’e khõda
wa’aboto ba dõdõ wa bu’u li Lowalangi ifalua ba ginõtõ-Nia irugi fa’auri silõ
aetu.
Faulo imane ba mbanua Gorindro; u’angarõfili Lowalangi, ba nosogu andre, wa no bõrõ wa alimagõ ami khõgu, wa lõ si mõido
sa’ae khõmi ba Gorindro. Tenga sa lawa’õ amatõrõwama wamatimi andrõ, ba no
sanolo ndra’aga ena’õ falukha ami wa’omuso dõdõ; noa sa abe’e ami wamati.
Halõwõ Faulo yaia wanuriagõ fa’ebua dõdõ
Lowalangi ena’õ mamati niha khõ Lowalangi tengan enaõ mamati niha khõnia. Da ta baliõ dumaduma fehede Waulo andre yaita
enoni Lowalangi.
Amarahuta
Ba 2 Korindro 1:15-24 ifahaõ ita wa niha
gulidanõ tola manõ tewu’a fawu’usa linia me lõ maulu fa’abõlõ. Hiza Lowalangi lõ tewu’a fawu’usa li-Nia me
Lowalangi Yehowa sabõlõ Ia sõmbõi banua siyawa awõ danõ ba sokhõ fa’auri niha
ba gulidanõ, same’e fa’auri silõ aetu.
Ba Eheha ni’amoni’õ tobali we’ewe’eda wa fefu
sino ifabu’u Lowalangi hasambõlõ ifalua ba khõ Keriso Yesus.
