Huhuo ba PA
Matai'o 6:25-34
25 V. Andrõ uwa’õ khõmi; Bõi mi’abusi tõdõ nosomi, hadia mbalazomi, ba ma botomi, hadia nukhami. Tenga no ebua noso, moroi ba gõ, ba tenga no ebua mboto, moroi ba nukha?26 Mifaigi wofo andrõ, ba dalu mbanua, lõ manaru ira ba lõ mamasi, lõ mangõhõna ba halasa ira, ba ibalazoi ira Amami andrõ, si so ba zorugo. Tenga no arõu faehu ami wofo? 27 Ba ha niha ba khõmi zangila mondrou’õ fa’anau nosonia samba si’u, na i’abusi tõdõ? 28 Ba ba nukha, ba hana wa mi’abusi tõdõ? Mitõngõni ladari mbõhõ andrõ ba danõ, he wisa wanõinia, lõ mohalõwõ ia, lõ managu. 29 Ba uwa’õ khõmi, lõ si manõ wa’asõkhi nukha Zelomo, ba lakhõminia andrõ fefu, si mane nukha zi sara da’õ. 30 Ba na imanõ Lowalangi wamonukha du’u ba danõ, si so ma’õkh? andre, nitibo’õ ba galitõ mahemolu, ba tenga mendrua manõ imanõ khõmi, ya’ami sambõ famati? 31 Andrõ bõi mibusi dõdõmi ba bõi miwa’õ: Ha ma’a? ma: ha mabadu? ma: ha ma’onukha? 32 A’oi sa ni’alui niha baero da’õ fefu; no’a sa i’ila Amami andrõ, ba zorugo, wa soguna khõmi da’õ fefu. 33 Mi’ofõnai’õ wangalui banua Lowalangi andrõ, awõ wa’atulõ dõdõ andrõ khõnia, ba tebe’e nõnõnõnõ dania khõmi da’õ fefu 34 Andrõ bõi mi’abusi tõdõ zoguna mahemolu; mahemolu tesõndra lala zabu dõdõ mahemolu. Noa manõ wamakao zi sarasara ngaluo.
FAMOBÖRÖ
Sura Matai’ö ba nisura me döfi 60-90
Masehi itutunö wa Yesu andrö Mesia Ono Lowalangi samae’ma banua Lowalangi, Faza 6 andre famahaö
Yesu ba hili (Faza 5-7), famahaö fa’auri Banua Lowalangi ba faza 6: 25-34 andre ifahaö ita wa banua
Lowalangi tenga ha soroma moroi baero manö no sa fa’atulö dödö tanö föna
Lowalangi ni’ofönaiö.
Oya mano niha ba gulidanö andre
zarörő tödő, awő zangosiwawõi wangalui banua Lowalangi ba simanö göi wolau si
lö atulő tödő khö nawönia niha. Me no ambo fangalui banua Lowalangi awo
wa'atulő dödő irege lö falukha howuhowu si'otarai Lowalangi. Me no simanő,
hadia zalua? Ambő fa'aro dödő alua fangiwa dödö ba fa'aombö dödő. Börö da'ö,
andro wa ifarou dödő ba zura andre ena'o mululu wa auri ba wangofönai'ö
wangalui banua Zo'aya ba simanő göi wa'atulö dödő molo'o nibasoda andre.
Ba ginötö andre ato
niha ba gulidanö andre zarörő tödő
awő wangositengagö wangalui banua Lowalangi awö wolau si lö atulő tödő
khö Lowalangi he göi khö nawönia niha gulidanö. Me arörö dödö ba he göi ba
wangositengagö fangalui banua Lowalangi awo wa'atulő dödő irege lö falukha
howuhowu ba harazaki si'otarai
Lowalangi. Andrö wa dania alua wa’ambö fa'aro dödő alua fangiwa dödö ba
fa'aombö dödő.
Andro wa ifarou dödő ba zura
andre ena'o so fangesa tödö ba fangosia’agö
ba wangofönai'ö wangalui banua Zo'aya ba simanő göi wa'atulö dödő molo'o
nibasoda andre. Da ta’erenusi taromali Lowalangi andre ena’ö fefu soguna khöda
nönö andrö tola tatema’ö moroi khö Lowlangi.
FANGOSISI'Ö
1. Bõi abu dödö ba zoguna
(ayati 25-30)
25 V. Andrõ uwa’õ khõmi; Bõi mi’abusi tõdõ nosomi, hadia mbalazomi, ba ma botomi, hadia nukhami. Tenga no ebua noso, moroi ba gõ, ba tenga no ebua mboto, moroi ba nukha? 26 Mifaigi wofo andrõ, ba dalu mbanua, lõ manaru ira ba lõ mamasi, lõ mangõhõna ba halasa ira, ba ibalazoi ira Amami andrõ, si so ba zorugo. Tenga no arõu faehu ami wofo? 27 Ba ha niha ba khõmi zangila mondrou’õ fa’anau nosonia samba si’u, na i’abusi tõdõ? 28 Ba ba nukha, ba hana wa mi’abusi tõdõ? Mitõngõni ladari mbõhõ andrõ ba danõ, he wisa wanõinia, lõ mohalõwõ ia, lõ managu. 29 Ba uwa’õ khõmi, lõ si manõ wa’asõkhi nukha Zelomo, ba lakhõminia andrõ fefu, si mane nukha zi sara da’õ. 30 Ba na imanõ Lowalangi wamonukha du’u ba danõ, si so ma’õkh? andre, nitibo’õ ba galitõ mahemolu, ba tenga mendrua manõ imanõ khõmi, ya’ami sambõ famati?
Yesus Keriso zanguma’ö bõi mi’abusi tõdõ nosomi, hadia mbalazomi, ba ma botomi, hadia nukhami, me ohitõ dõdõ Yesu ena’õ aboto ba dõdõda wa abõlõ ebua fangorifi noso (keselamatan) moroi ba gõ andrõ wa ibe khõda duma-duma; wofo andrõ, ba dalu mbanua, lõ manaru ira ba lõ mamasi, lõ mangõhõna ba halasa ira, ba ibalazoi ira Amada, si so ba zorugo. Ba I’be’e menemeneNia wa tebai dou’õ fa’anau nosoda he ha sambua si’u, bõrõ gabula dõdõ andrõ khõda. Simanõ gõi ba nukha ni’oguna’õda, Imane: “ba hana wa mi’abusi tõdõ? Mitõngõni ladari mbõhõ andrõ ba danõ, he wisa wanõinia, lõ mohalõwõ ia, lõ managu.” Ba ayati 29 Ba uwa’õ khõmi, lõ si manõ wa’asõkhi nukha Zelomo, ba lakhõminia andrõ fefu, si mane nukha zi sara da’õ. Ba na imanõ Lowalangi wamonukha du’u ba danõ, si so ma’õkh? andre, nitibo’õ ba galitõ mahemolu, ba tenga mendrua manõ imanõ khõmi, ya’ami sambõ famati? (ayati 30)
Taromali andre ifarou dödö enaʼö böi aombö dödő ba böi
wangiwa dödő ba ni'oguna'ö. Irege börö me aombö dödö andrö la'ositengagö
Lowalangi ba arōrō ba nösi gulidanö. Tobali na so wangofönai'ö banua Lowalangi
ba fa'atulő dödö andro ba oi aboto ba dödö Zo'aya daʼö ma'afefu hadia zoguna
khöda. Börö fa'auri andre daʼö zabölö moguna ya'ia fa'auri so danedane ba
wamati khö Zo'aya. Börö me aombő dodo ba zoguna andrö ibe'e dumaduma fofo ba
dalu mbanua oi i'asogö Lowalangi zoguna khöra. Irege imane ba wame'e fa'aboto
ba dödö, ya'ia da'ö: ba no aröu faehu niha moroi ba wofo andrö. Eluahania abölö
i'ila zoguna ba mbanua-Nia Lowalangi. Ba hiza sinangea mufalua ya'ia da'ö:
mu'ofönai'ö wangalui banua Lowalangi awö wa'atulő dödő ba tebe'e nönönönö dania
khömi da'ö fefu. Eluahania, sangoföna'ö Lowalangi ba ifahowu'ö ba ifolala dödö
ba ngawalö soguna ero maʼökhö.
2. Abula Dödö Tenga Lala
Nitörö (ayati 31-32)
31 Andrõ bõi mibusi dõdõmi ba bõi miwa’õ: Ha ma’a? ma: ha mabadu? ma: ha ma’onukha? 32 A’oi sa ni’alui niha baero da’õ fefu; no’a sa i’ila Amami andrõ, ba zorugo, wa soguna khõmi da’õ fefu.
Yesu ifatunö khöda wa ha niha baero sa zangofönai’ö wangalui soguna khönia bagulidanö sitobali ohitö dödö wa’auri ba gulidanö. Ba dödö niha baero fa’aurira so ba wa’abölöra samösa.
Ba sitambai da’ö ba niha samati so Ama ba Zorugö sitobali Ama sangila fefu soguna ba ndraonoNia fatua lö la andrö khö-Nia. Ama ba Zorugo tenga ha I’ila hadia zoguna ba mbanua-Nia ba tola göi ibe’e soguna andrö molo’ö wa’abölö-Nia.
Börö da’ö, niha samati faduhu dödöra wa Lowalangi andrö no Ama sondrorogö ba samairi fa’aurira ba so bönöikhi fefu ngawalö soguna ni’a ba nibadu he göi ni’onukha
3. Ta’ofõnai’õ wangalui banua Lowalangi ba Fa’atulõ dõdõ (ayat
33-34)
Famahaö Yesu sitehöngö ba sabölö mofa’abölö me iwa’ö ba ayati 33 Mi’ofõnai’õ wangalui banua Lowalangi andrõ, awõ wa’atulõ dõdõ andrõ khõnia, ba tebe’e nõnõnõnõ dania khõmi da’õ fefu. Wangalui banua Lowalangi eluhania; wangofönaiö amatöröwa Lowalangi ba wa’aurida ta be’e fa’aurida nifatörönia. Wangalui fa’atulö dödö andrö khönia eluahnia fa’aurida ba so dane-dane ba daromali Lowalangi, fa’aurida oi ba wolo’ö khö Lowlangi. Andrö ba dania; Ibönökhi zoguna ba Mbanua-Nia Lowalangi Sangofonai'ö ba sangalui banua Lowalangi andrö lö zayazaya gölő.
Taromali andre i’o’ou ita ba
wangofanai'ö wangalui banua Lowalangi andrö awö wa'atulö dödö. Yafaduhu dödöda ibőnökhi
zoguna khöda andrö datalulu wa'aurida tobali amatörawa Zo'aya ba wamalua somasi
la irege mamuala Lowalangi khöda ba wa mönökhi soguna khöda.
1. Bõi tabusi tõdõ noso, hadia
mbalazo, ba ma mboto, nukha, me ohitõ dõdõ Yesu ena’õ aboto ba dõdõda wa abõlõ
ebua fangorifi noso (keselamatan) moroi ba gõ andrõ wa ibe khõda duma-duma; wofo andrõ, ba dalu mbanua, lõ manaru ira ba
lõ mamasi, lõ mangõhõna ba halasa ira, ba ibalazoi ira Amada, si so ba zorugo.
2. Ba niha samati so Ama ba Zorugö sitobali Ama sangila fefu soguna
ba ndraonoNia fatua lö ta andrö khö-Nia.
Ama ba Zorugo tenga ha I’ila hadia zoguna ba mbanua-Nia ba tola göi
ibe’e soguna andrö molo’ö wa’abölö-Nia.
3. Da ta’ofõnai’õ wangalui banua Lowalangi andrõ, awõ wa’atulõ dõdõ andrõ khõnia, ba tebe’e nõnõnõnõ dania khõmi da’õ fefu.
NiNifa'anö: Pdt.Juliman Harefa
Ni
