Bahan PA
Famobörö
Sura IV Moze andre tohu-tohu IV Moze faza 13 me
ifatenge Moze si 12 niha samauze dano Kana’ana.
Meno mangwauli ira, 10 niha same’e duria sata’u niha, andrö wa mokökökökö
ira ba so zedöna mangawuli ba dano Misirayi (14:1-4). Lö faduhu dödöra khö Lowalangi zui, hewa’ae
no oya ni’ilara halöwö sahöli-höli dödö (Muzijat) nifalua Lowalangi khöra.
Simanö zalua ba ndaono gizara’eli andre ba
ginötö so ira balala Lotarai ndrawa Misirayi numalö ba danö nifabu’u Lowalangi
khöra, abudödöra ba fatahi ira latahigö zolohe ya’ira ba mukökökö ira irege
lasofu hana wa i’ohe ita Lowalangi ba danö simate andre, hadia ena’ö mate.
Andrö dania wa lö’omasi ira latohugö wofanö ba nifabu’u Lowalangi khöra ba
edöna lafuli ira furi.
Ha darua Kalebi ba Yosua sifaduhu tödö khö Lowalangi wa Lowalangi ba wa’abölö-Nia tola
ibe’e khöra danö Kana’ana sino ifabu’u Lowalangi. Andrö wa alua fönu Lowalangi,
mangandrö Moze salahi ndraono Gizeraeli me Lowalangi sebolo tödö ba sifahöna fa’omasi.
Ya’ita andre itaria lö faduhu dödö wa Lowalangi
no lowalangi sabölö sitola manolo ya’ita ba ngawalö so guna, itaria so khöda
waombö dödö ba wangofanöi töröwada, ba tola tobali fekökö khöda ba wanahinahigö
Lowalangi ba lala waaurida sero maökhö.
Daroma Li andre wangandrö Moze khö Lowalangi.
I’andrö khö Lowalangi bawangefa’ö zala ndraono Gizara’eli ba ena’ö ihakhösi
tödö ira Lowalangi meno si lö faduhu tödö ira khö Lowalangi.
Ba i’andrö ena’ö fa’ebua dödö Lowalangi andrö lömamalö te’oroma’ö wa’ebua dödöNia ba wangefa’ö lalöra ba mendruamanö wa lötebulö hasambalö ifalua wawu’usa Li Nia ba ndraono Gizara’eli andrö.
Angosisila
1. Itegu Lowalangi si lö Faduhu Dödö Khönia
(ayat 11-12)
11 II. Ba imane Yehowa khõ Moze: Ha wa’ara tebato
wango’aya niha andrõ ya’o, wa lõ faduhu dõdõra khõgu, lõ lai dandra andrõ fefu,
si no ulau ba khõra andrõ! 12 Da’ubunu ira fõkhõ waba, use’e ira, ba ya’ugõ
ube’e furugõ soi [si bohou], sebua ba sato niha moroi khõra!
Oroma khöda fönu Lowalangi ba ndraono Gizara’eli,
me lö lafondrondrongo hadia niwa’öNia börö me lö omasi ira na la’ohe ira ba
danö sino ifabu’u khöra Lowalangi, omasi ira mangawuli furi ba danö Misirayi. Andrö
wa itegu ira Lowalangi ba wa lö faduhu dödööra me imane khö Moze hawa’aratö? ..... da’ubunu ira (ayati 12). Fehede da’e ba tobali wehede fanguhuku niha
silö faduhu tödö khö Lowalangi, wa lö zi lo ifalua Lowalangi wanguhuku iraono
Gizara’eli so lawa Ya’la ba wamunu ya’ira bawökhö waba.
Ba ba sitambai da’ö ba ifabu’u Lowalangi khö
Moze göi, wa ibali’ö ia furugö soi sobohou ba sebua, Da’e sitobai tandra khö Moze
wa ba dödö Lowalangi lö mamalö iforoma’ö
wa’abölö wa’omasi-Nia ba ndraono Gizara’eli ba zi no ilau tandra sahöli-höli dödö
khöra ba danö simate.
2. Moze
Tobali Sangandrö Salahi (ayati13-16)
13 Ba imane Moze khõ Yehowa: Ba larongo Dawa Miserayi;
noa sa õ’ohe miyawa, moroi ba khõra, soi andre fa’abõlõmõ andrõ, 14 ba
la’ombakha’õ ba niha ba danõ andre, ba zi no terongo, wa ba hunõ niha andre so
ndra’ugõ, ya’ugõ Yehowa, awõ wa no õ’oroma’õ ndra’ugõ, fa fa’ila bawa. Ya’ugõ
Yehowa, awõ wa no so yawara lawuo andrõ khõu, wa mowaõwaõ’õ fõnara, na ma’õkhõ,
ba boto lawuo, ba ba zi bongi, ba boto galitõ. 15 Ba na õbunu soi andre, hulõ
na ha samõsa, ba lamane dania soi bõ’õ, si no mamondrongo turiamõ andrõ: 16 Me
no tebai Yehowa, i’ohe ba danõ andrõ, nifabu’unia khõra fahõlusa, soi andrõ,
andrõ wa ibubunu ira ba danõ si mate.
Ayati 13-16 Izaraini wangandrönia Moze wangandrö
salahi ndraono Gizara’eli, Imane khö Lowalangi; noa sa õ’ohe miyawa, moroi ba
khõra, soi andre fa’abõlõmõ andrõ, wa ba hunõ niha andre so ndra’ugõ no
õ’oroma’õ ndra’ugõ, so yawara lawuo andrõ khõu, , ba ba zi bongi, ba boto
galitõ. ba wangadrö fa’ahakhö dödö Lowalangi. Fangadrö Moze andre khö
Lowalangi, l’andrö ena’ö ihakhösi tödö ba l’orifi ndraono Gizara’eli ba ena’ö
böi ifalua wönuNia Lowalangi, ba ena’ö te’oroma’ö lakhömi Lowalangi samösa
moroi ba niha baero.
Tobali duma-duma khöda wangadrö Moze andre wa
moguna göi tazaraini wanuno Lowalangi ba zino ifalua Lowalangi khöda, Awena ta’andrö
wa’ahakhö dödö Lowalangi ena’ö tobali
tandra ba soi bö’ö wa Lowalangi ndraono Gizera’eli ba Lowlangida göi, no
Lowalangi Solomasi.
3. Fangandrö Fa’ahakhö dödö lowalangi (ayati
17-19)
17 Ena’õ na oroma sibai wa’abõlõu, ya’ugõ Yehowa, si
mane nifabu’umõ, me õmane. 18 Sebolo tõdõ Yehowa ba si no fahõna fa’ahakhõ
dõdõ; sala ba olalõwa, ba ibe’e aefa, ba lõ’õ sa aefa sibai wotu; horõ ndra ama
ihuku ba ndraono, irugi tõlu, õfa nga’õtõ. (Moz. II. 34, 6. 7. Yon. 4, 2). 19
Be’e aefa horõ niha andre, ba wa’ebua wa’ahakhõ dõdõu andrõ, si mane fame’eu
aefa horõra i’otarai ba danõ Miserayi, irugi ma’õkhõ!
Ba ayati 17-19 Fammatohu wangandrö Moze salahi
ndraono Gizara’eli ba wangandrö, Ifasugi khö Lowalangi fawu’usa Li-Nia wa yaiano Lowalangi sebolo tödö
ba sa’ahakhö dödö ba ba Lowalangi solomasi ba niha. Moze
ifaduhu’ö göi wa so wa’abölö Lowalangi andrö ba zi no ifabu’u ba wangefa’ö ba he göi ba wamohouni banua-Nia
andrö.
Ösi wangandrö Moze; Be’e aefa horõ niha andre,
ba wa’ebua wa’ahakhõ dõdõu andrõ, si mane fame’eu aefa horõra i’otarai ba danõ
Miserayi, irugi ma’õkhõ! Tobali duma-duma zui khöda ba wandrö da’e na mangandrö
ita ba wangadröda andrö moguna sibai ta’andrö FAGEFA HORODA me si samalua hörö ita, ena’ö böi
so ba’a’ba’a bagotaluada khö Lowalangi.
Amarahuta
Da ta faduhu’ö wawu’usa Li Lowalangi ba lala
wa’auri sero ma’ökhö, hewa’ae oya abula dödö sifalukha, ba hiza fa,ebua dödö Lowalangi ba
lö tebulö ba niha sangataufi Ya’la. Ba si löfaduhu tödö ba alua wanguhuku
khönia. Andrö böi olifu ba wangandrö fangefa horö dan salada khö Lowalangi
ero-ero ma’ökhö.
Angerönua
- Ba wa’abu dödö ma ba noro dödö ba sifalukha ba wa’aurida ena’ö böi
mukökö ba matatahigö Lowalangi.
- Tafaduhusi tödö Lowalangi sifao fa’arö wamati wa tola itolo ita
Lowalangi ba lö tebulö wawu’usa Li Nia.
- Moze tobali dumaduma sisökhi ba wa’aurida ba ginötö so ndraono
Gizara’eli falukha wa’abu dödö, ba notobali sanuturu lala ba sanga’arö’ö
famatira. Simanö göi ita naso gabula dödö nawöda tobali ita solehe tanga
ba tenga solofe fangabu dödö nawöda, hiza’i talau mangandrö salahi nawöda
ena’ö ihakhösi tödö ira Lowalangi.
- Moguna tatöngoni wa’omasi Lowalangi no lömamalö malö ba niha
sifaduhu tödö khöNia.Yaduhu
Nifa’anö: Pdt. Juliman Harefa
